นักศึกษาสงฆ์ลาวเชียงใหม่ lao Monk Students in Chiangmai

ຊົມຣົມນັກສຶກສາສົງລາວ ປະຈຳເຂດພາກເໜືອ

ມະຫາວິທະຍາໄລມະຫາຈຸລາລົງກອນຣາຊວິທະຍາໄລ ວິທະຍາເຂດຊຽງໃໝ່

Ø ຄວາມເປັນມາຂອງ ຊົມຣົມນັກສຶກສາສົງລາວ ມຈຣ.ວິທະຍາເຂດຊຽງໃໝ່

      ເມື່ອປີ ພ.ສ 2538(ຄ.ສ 1995) ໄດ້ມີພຣະສົງລາວໄດ້ມາຮ່ຳຮຽນຢູ່ໃນ ມະຫາວິທະຍາໄລມະຫາຈຸລາລົງກອນຣາຊວິທະຍາໄລ ວິທະຍາເຂດຊຽງໃໝ່ ແຫ່ງນີ້ຈຳນວນ 3 ອົງເມື່ອປີ ພ.ສ 2539 (ຄ.ສ 1996) ໄດ້ມີພຣະສົງລາວຍ້າຍມາຈາກວິທະຍາເຂດອຸບົນຣາຊທານີ ແລະ ວິທະຍາເຂດໜອງຄາຍ ຈຳນວນ 5 ອົງ, ລວມທັງໝົດເປັນ 8 ອົງ ໃນໄລຍະສອງປີຜ່ານມາຍັງທັນໄດ້ຈັດຕັ້ງຊົມຣົມຂື້ນເທື່ອ ເພາະວ່າຕອນນັ້ນພຣະສົງລາວ ມາສຶກສາຮ່ຳຮຽນຍັງບໍ່ທັນຫຼາຍປານໃດ. ເມື່ອປີ ພ.ສ 2540 (ຄ.ສ 1997) ໄດ້ມີພຣະສົງລາວມາສຶກສາຮໍ່າຮຽນເພີ່ນອີກ 14 ອົງ ລວມທັງໝົດເປັນ 22 ອົງ. ຕໍ່ມາພຣະສົງລາວທີ່ກຳລັງສຶກສາຮ່ຳຮຽນໄດ້ລວມກັນເປັນກຸ່ມເປັນກ້ອນຂື້ນ ແລະ ເຫັນວ່າພຣະສົງລາວມາສຶກສາຮ່ຳຮຽນເພີ່ມຂື້ນທຸກໆປີ ຈື່ງໄດ້ມະຕິຕົກລົງກັນໃຫ້ຕັດຕັ້ງເປັນກຸ່ມນິສິດລາວ ໂດຍມີຊື່ວ່າ “ຊົມຣົມນັກສຶກສາສົງລາວ ປະຈຳມະຫາວິທະຍາໄລສົງຊຽງໃໝ່ (ມຈຣ)”, ເມື່ອວັນທີ່ 10 ເດືອນມິຖຸນາ ປີ ພ.ສ 2540(ຄ.ສ 1997) ໂດຍມີພຣະອາຈານບຸນເພັງ ແກ້ວສຸລິຍະ ເປັນປະທານເປີດກອງປະຊຸມໃຫ້ ໃນຄັ້ງນັ້ນໄດ້ກ່າວເຖິງຄວາມເປັນມາຂອງນັກສຶກສາສົງລາວ ແລະ ຜົນງານສອງປີທີ່ຜ່ານມາ, ພ້ອມໄດ້ເວົ້າເຖິງຈຸດປະສົງ ທີ່ຈະມີການແຕ່ງຕັ້ງ ຄະນະກຳມະການຂື້ນມາບໍລິຫານງານຂອງຊົມຣົມ ນັກສຶກສາສົງລາວ ປະຈຳມະຫາວິທະຍາໄລສົງຊຽງໃໝ່ຂື້ນທັນທີ ຕອນນັ້ນມີຜູ້ລົງລາຍຊື່ເລືອກຕັ້ງຈຳນວນ 5 ອົງ ແລະ ອົງທີ່ໄດ້ຄະແນນສູງສຸດຈະໄດ້ເປັນປະທານນັກສຶກສາສົງລາວ ປະຈຳມະຫາວິທະຍາໄລສົງຊຽງໃໝ່, ຜູ້ທີ່ໄດ້ເປັນປະທານ ແລະ ໄດ້ຄະແນນສຽງສູງສຸດຄື ພຣະບຸນທະວີ ພອນທະສິນ ຈາກນັ້ນກໍ່ໄດ້ແຕ່ງຕັ້ງຄະນະຮັຜິດຊອບ ເປັນພະແນກຕ່າງໆ ແລະນັ້ນກໍ່ເປັນຈຸດເລີ່ມຕົ້ນ ຂອງຊົມຣົມນັກສຶກສາສົງລາວໃນມະຫາວິທະຍາໄລມະຫາຈຸລາລົງກອນຣາຊວິທະຍາໄລ ວິທະຍາເຂດຊຽງໃໝ່ ເປັນຕົ້ນມາ.

Ø ວັດຖຸປະສົງຂອງ ຊົມຣົມນັກສຶກສາສົງລາວ ມຈຣ.ວິທະຍາເຂດຊຽງໃໝ່.

1.  ເພື່ອຄວາມສາມັກຄີໃນໝູ່ຄະນະນັກສຶກສາສົງລາວດ້ວຍກັນ

2.  ເພື່ອໃຫ້ຄວາມຊ່ວຍເຫຼືອໃນເວລາມີປັນຫາ ໃຫ້ຄຳປຶກສາຕ່າງໆ, ທັ້ງໃນດ້ານການສຶກສາຮ່ຳຮຽນ, ທີ່ຢູ່ອາໄສ ແລະ ການປັບຕົວເຂົ້າສັງຄົມເປັນຕົ້ນ.

3.  ເພື່ອຄວາມຕອບສະໜອງຕ້ອງການໃນການເຮັດວຽກທຳງານ ແລະ ດຳເນີນກິດຈະກຳຂອງຊົມຣົມ.

4.  ເພື່ອພັດທະນາດ້ານຄວາມຮູ້ ຄວາມສາມາດ ແລະ ປະສົບການໃຫ້ຫຼາຍຂື້ນ

Ø ລັກສະນະຂອງ ຊົມຣົມນັກສຶກສາສົງລາວ ມຈຣ.ວິທະຍາເຂດຊຽງໃໝ່

1.  ເລືອກຕັ້ງຄະນະກຳມະການບໍລິຫານງານປະຈຳທຸກໆປີການສຶກສາ

2.  ແບ່ງໜ້າທີ່ໃຫ້ແຕ່ລະພະແນກຮັບຜິດຊອບວຽກງານຕາມຄວາມເໝາະສົມ

3.  ຈັດກອງປະຊຸມກັນຢ່າງສະໝ່ຳສະເໝີ

4.  ຈັດກິດຈະກຳຕ່າງໆຂື້ນ

Ø ກົດລະບຽບຂອງຊົມຣົມນັກສຶກສາສົງລາວ ມຈຣ.ວິທະຍາເຂດຊຽງໃໝ່

1.   ໃຫ້ເວັ້ນຈາກການປະພຶດຕົນ ໃນທາງທີ່ເສຍຫາຍ ແລະ ເຊື່ອມເສຍທາງສິນທັມ

2.   ນັກສຶກສາລາວທຸກອົງ ຕ້ອງຢູ່ພາຍໃຕ້ການດູແລຂອງຊົມຣົມ

3.   ສ້າງຄວາມສາມັກຄີໃນໝູ່ຄະນະ ແລະ ສະຖາບັນການສຶກສາຮ່ຳຮຽນ ໃຫ້ດີຂື້ນເລື້ອຍໆ

4.   ຖ້າມີປັນຫາໃດໆເກີດຂື້ນ ຜູ້ກ່ຽວຕ້ອງລາຍງານໃຫ້ຊົມຣົມໄດ້ຮັບຊາບທັນທີ ເພື່ອຫາແນວທາງແກ້ໄຂຊ່ວຍເຫຼືອກັນ

5.   ເຂົ້າຮ່ວມການເລືອກຕັ້ງຄະນະກຳມະການບໍລິຫານງານທຸກປີການສຶກສາ

6.   ຕ້ອງເຂົ້າຮ່ວມກອງປະຊຸມຂອງຊົມຣົມທຸກຄັ້ງ, ຍົກເວັ້ນມີເຫດຈຳເປັນເທົ່ານັ້ນ ແລະ ຄວນແຈ້ງໃຫ້ຄະນະກຳມະການຮັບຊາບລ່ວງໜ້າກ່ອນ

7.   ຕ້ອງມີຄວາມສົນໃຈຕໍ່ສ່ວນລວມ, ເຕັມໃຈ, ສັດທາ ແລະ ໃຫ້ຄວາມຮ່ວມມືທຸກດ້ານ

8.   ມີຄວາມຮັບຊອບຕໍ່ໜ້າທີ່ວຽກງານຂອງຕົນຄື ການຮຽນ ແລະ ວຽກງານທີ່ໝອບໝາຍໃຫ້

9.   ສະມາຊິກທຸກອົງ ຄວນໃຫ້ຄວາມເຄົາລົບຄະນະກຳມະການບໍລິຫານທຸກໆ ພາກສ່ວນ

10. ສະມາສິກທຸກມີສິດສະແດງຄວາມຄິດຄວາມເຫັນໃນກອງປະຊຸມ

Ø ລະບົບຄະນະການບໍລິຫານຂອງຊົມຣົມນັກສຶກສາສົງລາວ ມຈຣ.ວິທະຍາເຂດຊຽງໃໝ່.

ຊົມຣົມນັກສຶກສາສົງລາວ ມຈຣ.ວິທະຍາເຂດຊຽງໃໝ່ ໄດ້ແບ່ງຂັ້ນຕອນບໍລິຫານດັ່ງນີ້:

1.  ຝ່າຍທີ່ປຶກສາ

2.  ຝ່າຍບໍລິຫານ

3.  ຝ່າຍວິຊາການ

4.  ຝ່າຍເລຂາ

5.  ຝ່າຍກອງທຶນການສຶກສາ

6.  ຝ່າຍກອງທຶນສຸກເສີນ(ປັດຈຸບັນໄດ້ຍົກເລີກແລ້ວ)

7.  ຝ່າຍກິດຈະກຳ

8.  ຝ່າຍໂຄສະນາ

9.  ຝ່າຍປະຊາສຳພັນ

10. ຝ່າຍປ້ອງກັນ(ປັດຈຸບັນໄດ້ຍົກເລີກແລ້ວ)

11. ຝ່າຍການເງິນ