ບົດສະຫຼຸບ
ກອງປະຊຸມໃຫຍ່ສາມັນປະຈຳປີ 2017
ຊົມຣົມນັກສຶກສາສົງລາວ ໃນຣາຊະອານາຈັກໄທ
ລະຫວ່າງວັນທີ 08-09 ທັນວາ
2017
- ອີງຕາມ:
ຂໍ້ຕົກລົງຂອງທ່ານລັດຖະມົນຕີກະຊວງນັກສຶກສາທິການ ແລະ ກິລາ ສະບັບເລກທີ
3552/ສສກ.ກນ
13. ວັນທີ 28 ສິງຫາ 2013 ວ່າດ້ວຍການຄຸ້ມຄອງນັກຮຽນລາວ ນັກສຶກສາ ໄປຮຽນຢູ່ຕ່າງປະເທດ
- ອີຕາມ: ຂໍ້ຕົກລົງຂອງ ເອກອັກຄະລັດຖະທູດ ສປປ ລາວ
ປະຈຳບາງກອກ ເລກທີ 973 /ສລບ.ສວ
ລົງວັນ 25/10/2017
1. ສະພາບລວມ
ການຈັດກອງປະຊຸມໃຫຍ່ສາມັນປະຈຳປີ2107
ຊົມຣົມນັກສຶກສາສົງລາວ ໃນຣາຊາອານາຈັກໄທ ທີ່
ວິທະຍາເຂດ ຊຽງໃໝ່ ຕັ້ງແຕ່ວັນທີ 08-09 ທັນວາ 2017 ເປັນເວລາ ສອງວັນ, ໂດຍພາບລວມ ແມ່ນມີຄວາມສາມັກຄີ,
ສ້າງສັນ ແລະເປັນໄປດ້ວຍຄວາມຮຽບຮ້ອຍ ສະຫງົບ, ອົບອຸ່ນ, ມີບັນຍາກາດອັນສະຫງ່າລາສີ ແລະມີຄວາມສັນຖະໄມຕຣີຕໍ່ກັນແລະກັນ. ການປະຊຸມໄດ້ມີມະຕິຮັບຮອງເລືອກຕັ້ງເອົາປະທານ,
ຮອງປະທານ ແລະຄະນະຜູ້ບໍລິຫານຊົມຣົມຊຸດໃໝ່
ເພື່ອບໍລິຫານງານຊົມຣົມນັກສຶກສາສົງລາວ. ວິທະຍາເຂດ ຊຽງໃໝ່ ພ້ອມກັນນັ້ນ ຍັງໄດ້ແກ້ໄຂບັນຫາຕ່າງໆ ແລະວາງທິດທາງແຜນການຮ່ວມກັນໃນປີຕໍ່ໄປ ໂດຍມີຂໍ້ສະຫຼຸບດັ່ງລຸ່ມນີ້:
2. ດ້ານຜົນສໍາເລັດ
ກ.ດ້ານດີ
1. ໄດ້ຮ່ວມກັນຈັດກອງປະຊຸມໃຫຍ່ສາມັນປະຈຳປີ
2017 ຊົມຣົມນັກສຶກສາສົງລາວ ມະຫາວິທະຍາໄລ ມະຫາຈຸລາລົງກອນຣາຊະວິທະຍາໄລ.
2.
ໄດ້ມີມະຕິຮັບຮອງເອົາການແຕ່ງຕັ້ງປະທານ ຊົມຣົມນັກສຶກສາສົງລາວ
ວິທະຍາເຂດ ຊຽງໃໝ່ ຊຸດໃຫມ່ ຢາງເປັນທາງການ.
3.
ໄດ້ມີມະຕິແຕ່ງຕັ້ງຮັບຮອງເອົາປະທານ, ແລະຮອງປະທານຊົມຣົມນັກສຶກສາສົງລາວ
ວິທະຍາເຂດ ຊຽງ ໃຫມ່ ໂດຍມີລາຍຊື່ດັ່ງນີ້:
- ພຣະສອນທະວີ ທຸມປະເສີດ ເປັນປະທານ
- ພຣະເຄນ
ແກ້ວວິໄລ ຮອງປະທານ 1
- ພຣະໂຕ່ງພະໄທ
ແກ້ວບົວພາ ຮອງປະທານ 2
- ພຣະວິໄຊ
ຈິດຕະພອນ ເປັນເລຂານຸການ
4.
ມີມະຕິຮັບຮອງເອົາກົດລະບຽບຊົມຣົມ
ສະບັບປັບປຸງ ປີ ຄ.ສ. 2017 ຢາງເປັນທາງການ.
5.
ໄດ້ຈັດສໍາມະນາວິຊາການລະບົບກົງຈັກສາຍການຈັດຕັ້ງຊົມຣົມ,
ການແບ່ງອໍານາດໜ້າທີ, ສິດທິ ແລະ ແນະນໍາຂັ້ນຕອນການຂຽນເອກະສານທາງລາດສະການ
ເພື່ອການບໍລິຫານງານ ແລະປະຕິບັດໃຫ້ເປັນ ໄປໃນທິດທາງດຽວກັນ.
6.
ໄດ້ສະຫຼຸບວຽກງານທີ່ຜ່ານມາ ບັນຫາ, ຂໍ້ຄົງຄ້າງ, ຂໍ້ຫຍຸ້ງຍາກ
ແລະວາງທິດທາງແຜນການແກ້ໄຂ ຮ່ວມກັນ ໃນສົກປີຕໍ່ໄປ.
7.
ໄດ້ເຕົ້າໂຮມສ້າງພະລັງຄວາມສາມັກຄີ ແລະຄວາມສັນຖະໄມຕຣີຕໍ່ກັນ ຂອງນັກສຶກສາສົງລາວ
ໃນ ປະເທດໄທຢ່າງແໜ້ນແຟ້ນ.
8.
ໄດ້ກໍາແໜ້ນ ແລະເຂົ້າໃຈແນວທາງນະໂຍບາຍຂອງພັກ-ລັດ,
ນະໂຍບາຍການຕ່າງປະເທດ ແລະລວມ ສູນປະຊາທິປະໄຕຢ່າງພ້ອມພຽງກັນ.
9.
ວາງນະໂຍບາຍໃນການໃຫ້ທຶນແກ່ພຣະສົງ,ສາມາເນນ,ຜູ້ທີ່ຣຽນເກັ່ງ,ມີຄວາມຂະຫຍັນຊ່ວຍວຽກຊົມ ຣົມ ແລະຜູ້ທີຂາດເຂີນເງີນທີຈະຮຽນຕໍ່.
10.
ໄດ້ແກ້ໄຂບັນຫາປະກົດການຫຍໍ້ທໍ້ຂອງນັກສຶກສາສົງລາວ
ໃນຣາຊາອານາຈັກໄທ
ຂ.ດ້ານອ່ອນ
1.
ພຣະສົງສາມະເນນ ບາງຈໍານວນບໍ່ເຂົ້າໃຈເຂົ້າໃຈແນວທາງນະໂຍບາຍຂອງພັກ-ລັດ, ນະໂຍບາຍ ການຕ່າງປະເທດ ແລະ ລວມສູນປະຊາທິປະໄຕຢ່າງພ້ອມພຽງກັນ.
2. ພຣະສົງ,ສາມາເນນ ບາງຈຳນວນຍັງຂາດຄວາມຕື່ນຕົວ
ໂດຍການຖືເອົາແນວຄິດຂອງຕົວເອງເປັນ ຫລັກບໍ່ປະຕິບັດຕາມກົດລະບຽບຂອງຊົມຣົມນັກສຶກສາສົງລາວ
ໃນຣາຊາອານາຈັກໄທ ທີ່ກຳນົດ ໄວ ຕາມຂັ້ນທິ້ງວາງອອກ
3. ທິດທາງແຜນການ
1.
ສືບຕໍ່ເອົາໃຈໃສ່ເພີ້ມທະວີຄວາມຮັບຜິດຊອບ ແລະ ເປັນເຈົ້າກີເຈົ້າການຕໍ່ໜ້າທີ
ຂອງຊົມຣົມ ສູນກາງ ແລະບັນດາວິທະຍາເຂດ ເພື່ອການບໍລິຫານ-ຄູ້ມຄອງນັກສຶກສາສົງລາວ ໃຫ້ມີແນວຄິດສະຫງົບອຸ່ນ ອຽນ-ທຸ່ນທ່ຽງຕໍ່ສະພາບການ
ແລະ ການສຶກສາ-ຮ່ຳຮຽນໃນຕ່າງປະເທດ.
2.
ສືບຕໍ່ປະຕິບັດຕາມກົດລະບຽບ, ກວດກາ, ຄຸ້ມຄອງ, ຊັບຊ້ອນ-ທ້ອນໂຮມບັນດານັກສຶກສາສົງລາວ ໃນຣາຊະອານາຈັກໄທ.
3.
ຊອກຫາແນວທາງໃນການສົ່ງເສີມໃຫ້ພຣະນັກສຶກສາສົງລາວເຮົາໄດ້ຮັບການສຶກສາຮອບດ້ານ(ທັ້ງ ດ້ານປະຣິຍັດແລະປະຕິບັດ).
4. ສືບຕໍ່ຈັດໂຄງການບັນພຣະຊາສາມະເນນ ແລະອົບຮົມເຍົາວະຊົນພາກປິດການສຶກສາ,ແລະໂຄງການ ຊ່ວຍເຫຼືອສັງຄົມສົງເຄາະຢູ່ໃນລາວເຮົາ.
5.
ສືບຕໍ່ຈັດກິດຈະກໍາປະຖົມນິເທດນິສິດແລະກິດຈະກໍາສະແດງມຸທິຕາຈິດແຕ່ບັນດິດໃໝ່.
6.
ສຶບຕໍ່ຈັດກອງປະຊຸມຜັນຂະຫຍາຍຜົນສໍາເລັດຂອງຊົມຣົມ
ຢູ່ຕາມວິທະຍາເຂດຕ່າງໆ ທົ່ວຣາຊ ອານາຈັກໄທ.
7.
ຈັດປະຊຸມໃຫຍ່ສະໃໝສາມັນປະຈໍາປີລະຄັ້ງ ໂດຍການໝູນວຽນການເປັນເຈົ້າພາບຈັດກອງປະຊຸມ ປະຈຳປີ
8.
ຈັດສ້າງເວບໄຊຊົມຣົມສຶກສາສົງລາວ ໃນຣາຊະອານາຈັກໄທ.
9.
ເອກອັກຄະລັດຖະທູດ ສປປ ລາວ ປະຈຳບາງກອກ ເປິດອົບຣົມໃຫ້
ນັກສຶກສາສົງລາວ ໃນຣາຊາ ອານາຈັກໄທ
10.
ສືບຕໍ່ອອກເອກະສານໃບນໍາສົ່ງກັບຄືນສູ່ປະເທດເມື່ອຮຽນຈົບຈາກສະຖານທູດລາວ.
11. ຈັດລະບົບການເຮັດວຽກຂອງຊົມຣົມນັກສຶກສາສົງລາວ
ໃນຣາຊາອານາຈັກໄທ ເຂົ້າສູ່ລະບົບໃຫ້ ສ້ອງຄອງກັບແນວທາງປະເທດເຮົາ
4. ຄາດໝາຍສູ້ຊົນ
1.
ປັບລະບົບ ແລະກົງຈັກບໍລິຫານງານ ຊົມຣົມນັກສຶກສົງລາວ
ໃນປະເທດໄທໃຫ້ເປັນສາຍໄຍການ ຈັດຕັ້ງດຽວກັນ.
2.
ປະກາດນໍາໃຊ້ກົດລະບຽບຊົມຣົມນັກສຶກສາສົງລາວສະບັບປັບປຸງ 2017 ໃຫ້ໄດ້ຮັບຜົນທາງການ ປະຕິບັດອັນສັກສິດທັ້ງປະລິມານ ແລະຄຸນນະພາບ.
3.
ຜັນຂະຫຍາຍການເຕົ້າໂຮມຄວາມສາມັກຄີ ແລະຮັກສາມູນເຊື້ອອັນດີງາມຂອງຊົມຣົມໄວ້
ພ້ອມ ມີການຈັດການ, ທ້ອນໂຮມ,ກວດກາ,ແລະຄວບຄຸ້ມນັກສຶກສາສົງລາວ ທີ່ມາຮຽນໃນປະເທດໄທໃຫ້ ໄດ້.
4.
ສົ່ງເສີມແລະເປີດໂອກາດໃຫ້ນັກສຶກສາສົງລາວໄດ້ຮັບການສຶກສາທັ້ງດ້ານວິຊາການທາງທັມ
ແລະ ທາງໂລກ.
5.
ຈັດປະຊຸມໃຫຍ່ສະໃໝສາມັນປະຈໍາປີ ໂດຍການໜູນວຽນໃນແຕ່ລະ ວິທະຍາເຂດ
6.
ຈັດສ້າງເວບໄຊຊົມຣົມສຶກສາສົງລາວ ໃນຣາຊະອານາຈັກໄທ.
7.
ຈັດໂຄງການບັນພຣະຊາສາມະເນນ ແລະອົບຮົມເຍົາວະຊົນພາກປິດການສຶກສາ,ແລະໂຄງການ ຊ່ວຍເຫຼືອສັງຄົມສົງເຄາະຢູ່ໃນລາວເຮົາ.
8. ສະເໜີເອກອັກຄະລັດຖະທູດ
ສປປ ລາວ ປະຈຳບາງກອກ ເປິດອົບຣົມໃຫ້ ນັກສຶກສາສົງລາວ ໃນຣາຊາອານາຈັກໄທ
9.
ອອກເອກະສານໃບນໍາສົ່ງກັບຄືນສູ່ປະເທດເມື່ອຮຽນຈົບຈາກເອກອັກຄະລັດຖະທູດລາວ
ປະຈຳ ບາງກອກ
5. ຂໍ້ສະເໜີ
·
ສະເໜີໃຫ້ອົງການ ສູນກາງ ອພສ ໄດ້ອໍານວຍຄວາມສະດວກ
ແລະເປີດໂອກາດໃຫ້ຊົມຣົມນັກສຶກສາສົງລາວ ໃນຣາຊະອານາຈັກໄທ
ໄດ້ມາຮ່ວມຈັດໂຄງການສົງເສີມການສຶກສາສົງ,
ໂຄງການບັນພຣະຊາແລະອົບຮົມເຍົາວະຊົນພາກປິດການສຶກສາ
ແລະຈັດໂຄງການຊ່ວຍເຫຼືອສັງຄົມສົງເຄາະໃຫ້ຫຼາຍຂື້ນ.
·
ສະເໜີໃຫ້ອົງການ ອພສ ສູນກາງ ໄດ້ຮັບຊາບການກໍ່ຕັ້ງ
ແລະເຄື່ອນໄຫວກິດຈະກໍາຕ່າງໆ ຂອງຊົມຣົມນັກສຶກສາສົງລາວ ໃນຣາຊອານາຈັກໄທ
ໂດຍຢູ່ພາຍໃຕ້ການດູແລ,ສົງເສີມ ແລະຄຸ້ມຄອງຈາກເອກອັກຄະລັດຖະທູດແຫ່ງ ສປປ ລາວ ປະຈໍາບາງກອກ
ໃນຣາຊະອານາຈັກໄທ.
·
ສະເໜີໃຫ້ທາງ ເອກອັກຄະລັດຖະທູດແຫ່ງ ສປປ ລາວ ປະຈຳບາງກອກ
ໃນຣາຊະອາຈັກໄທ ເຈົ້າໜ້າທີ່ຂອງລັດ ຊ່ວຍພິຈາລະນາ ແລະ ອໍານວຍຄວາມສະດວກ
ທາງດ້ານໜັງສືເດີນທາງ ແລະເອກກະສານຕ່າງໆທີ່ກ່ຽວຂ້ອງ
ໃຫ້ແກ່ພຣະສົງ-ສາມະເນນນັກສຶກສາສົງລາວ ໃຫ້ມີຄວາມຖືກຕ້ອງຕາມລະບຽບຂອງກະຊວງສຶກສາທິການ
ແລະກິລາ.
·
ສະເໜີ ເອກອັກຄະລັດຖະທູດແຫ່ງ ສປປ ລາວ ຈັດສຳມະນາວິທີການບໍລິຫານເຮັດວຽກງານໃຫ້ແກ່ຊົມຣົມນັກສຶກສາສົງລາວ
ໃນຣາຊະອານາຈັກໄທ ປີ 1 ຄັ້ງ
·
ສະເໜີ ຄົ້ນຄ້ວາກໍ່ຕັ້ງກອງທຶນການສຶກສາໃຫ້ແກ່ພຣະສົງ ສາມະເນນ
ທີ່ກຳລັງສຶກສາ ໃນຣາຊະອານາຈັກໄທ.
·
ສະເໜີ ເອກອັກຄະລັດຖະທູດແຫ່ງ ສປປ ລາວ ເປິດນຳໃຊ້ເວັບໄຊຣ
ພະແນກສຶກສາ ແລະ ວັດທະນາວທຳ
ດັ່ງບັ້ນ,ຈື່ງສະຫຼຸບມາຍັງທ່ານເພື່ອຊາບ
ແລະຂໍທິດຊີ້ນຳໃນການຈັດຕັ້ງປະຕິບັດດ້ວຍ.
ປະທານຊົມຣົມນັກສຶກສາສົງລາວ ໃນຣາຊາອານາຈັກໄທ
