ພາກທີ່
IV
1. ຂັ້ນຕອນ ແລະ ແຜນການເຮັດວຽກ
ການເຄື່ອນໄຫວວຽກງານຂອງຊົມຣົມນັກສຶກສາສົງລາວ
ໃນປະເທດໄທແມ່ນມີແບບແຜນ, ມີລະບຽບ, ມີລະບົບ
ແລະມີຄວາມເປີດກວ້າງໄປຕາມສາຍການຈັດຕັ້ງວຽກງານ ໂດຍອາໄສອຳນາດ
ແລະສິດທິຕາມກົດລະບຽບຊົມຣົມ. ການເຮັດວຽກສ່ວນໃຫຍ່ແມ່ນອາໄສຮູບແບບປະຊາທິປະໄຕ
ເຊິ່ງທຸກຄົນທີ່ຂຶ້ນເປັນສະມາຊິກ ແລະຄະນະບໍລິຫານຊົມຣົມແມ່ນສາມາດອອກຄຳຄິດຄຳເຫັນ,
ອອກແຜນການ, ຂໍ້ສະເໜີ ແລະສາມາດບໍລິຫານງານພາຍໃນຊົມຣົມຕາມຂອບເຂດການຈັດຕັ້ງໄດ້.
ນອກຈາກນັ້ນ ຊົມຣົມແຕ່ລະວິທະຍາເຂດທົ່ວຣາຊອານາຈັກໄທ ຍັງສາມາດເຄື່ອນໄຫວກິດຈະກຳ
ແລະດຳເນີນງານຊົມຣົມໄດ້ຢ່າງອິດສະຫຼະຕາມຂັ້ນຕອນ. ການບໍລິຫານຊົມຣົມໃນພາບລວມແມ່ນໃຫ້ຂຶ້ນກັບສະຖານທູດລາວ
ແລະ ຊົມຣົມສູນກາງເປັນຫຼັກແລ້ວຈຶ່ງຂະຫຍາຍ ແລະກະຈາຍອຳນາດ,
ສິດທິແລະໜ້າທີ່ລົງໄປສູ່ສາຍໃຍການຈັດຕັ້ງຊົມຣົມໃນແຕ່ລະວິທະຍາເຂດ
ທັ້ງນີ້ກໍເພື່ອໃຫ້ລະບົບການບໍລິຫານຂອງຊົມຣົມເຮົາໃຫ້ເປັນອັນໜຶ່ງອັນດຽວກັນ, ສອດຄ່ອງ
ແລະ ເປັນໄປຕາມນະໂຍບາຍພັກ-ລັດ, ສູນກາງ ອພສ, ເຂົ້າກັບລະບົບປະຊາທິປະໄຕ ແລະ
ເອື້ອອຳນວຍຕໍ່ການບໍລິຫານງານຂອງທຸກໆພາກສ່ວນ.
2. ອຳນາດ, ສິດທິ ແລະ ໜ້າທີ່.
- ອີງຕາມກົດລະບຽບຊົມຣົມ ໝວດທີ່ 3, ມາດຕາ 15 ໃນຂໍ້ທີ່ 1,2,3
ແລະ 4 ວ່າດ້ວຍສິດທິ, ອຳນາດ ແລະ ໜ້າທີ່.
1). ຊົມຣົມນັກສຶກສາສົງລາວໃນປະເທດໄທ ຕ້ອງເຄົາລົບ ແລະ
ຢູ່ພາຍໃຕ້ການຄຸ້ມຄອງຂອງເອກອັກຄະລັດຖະທູດລາວ ປະຈຳບາງກອກຣາຊອານາຈັກໄທ.
2). ຊົມຣົມນັກສຶກສາສົງລາວ
ແຕ່ລະວິທະຍາເຂດຕ້ອງຢູ່ພາຍໃຕ້ການຄຸ້ມຄອງດູແລ, ກວດກາ, ຕິດຕາມ, ປະເມີນຜົນ ແລະ
ມອບສິດທິອຳນາດຕ່າງໆ ຈາກຊົມຣົມນັກສຶກສາສົງລາວສູນກາງ ບາງກອກ.
3). ຊົມຣົມນັກສຶກສົງລາວມີສິດ, ອໍານາດ, ບົດບາດ
ແລະໜ້າທີ່ໃນການບໍລິຫານ ເຄື່ອນໄຫວກິດຈະກຳຕາມຂອບເຂດ ແລະ ເງື່ອນໄຂໄດ້.
4). ຊົມຣົມນັກສຶກສາສົງລາວ
ແຕ່ລະວິທະຍາເຂດສາມາດຈັດກິດຈະກໍາຕ່າງໆໃນມະຫາວິທະຍາໄລ ແລະ
ທີ່ອື່ນໆທີ່ເຫັນວ່າມີປະໂຫຍດຕໍ່ສະມາຊິກໂດຍສ່ວນລວມ ແລະ
ຖ້າເປັນກິດຈະກຳໃຫຍ່ຫຼືຈັດຢູ່ລາວຕ້ອງມີໃບອານຸຍາດຈາກຊົມຣົມສູກກາງບາງກອກ
ຫຼືຈາກສະຖານທູດຈຶ່ງເຮັດໄດ້.
3. ກົດລະບຽບຊົມຣົມນັກສຶກສາສົງລາວໃນປະເທດໄທ.
ມີທັ້ງໝົດ 12 ໝວດ 51 ມາດຕາ
ໂດຍມີວັດຖຸປະສົງແລະຂອບເຂດໃນການໃຊ້ດັ່ງລຸ່ມນີ້:
1. ວັດຖຸປະສົງ
- ກົດລະບຽບສະບັບນີ້ໃຊ້ເພື່ອການບໍລິຫານ
ຈັດການຄຸ້ມຄອງຄວາມເປັນລະບຽບຮຽບຮ້ອຍຂອງນັກສຶກສາສົງລາວ ທີ່ສຶກສາຢູ່ໃນປະເທດໄທ.
- ເພື່ອການກວດກາ ຕິດຕາມ ເບິ່ງແຍງ ປະເມີນຜົນ
ແລະຊ່ວຍຫຼືນັກສຶກສາສົງລາວໃນປະເທດໄທ
- ເພື່ອເຕົ້າໂຮມເປັນກຸ່ມກ້ອນ, ສ້າງຄວາມສຳພັນ, ສາມັກຄີ,
ຮັກແພງກັນຂອງນັກສຶກສາສົງລາວ.
- ເພື່ອຊຸກຍູ້ສົ່ງເສີມການສຶກສາສົງໃຫ້ມີຄວາມຮູ້, ຄວາມສາມາດ
ແລະນຳຫຼັກທັມທາງພຣະພຸດທະສາສະໜາໄປເຜີຍແຜ່ຕໍ່ສາສະນິກະຊົນໃຫ້ມີຄວາມຮູ້,
ຄວາມເຂົ້າໃຈໃນຫຼັກຄຳສອນ ແລະ ນ້ອມໄປປະຕິບັດໃຫ້ເກີດຄວາມຜາສຸກທັງຕົນ, ຄອບຄົວ,
ສັງຄົມແລະຕະຫຼອດເຖິງປະເທດຊາດ.
2. ຂອບເຂດໃນການໃຊ້
- ກົດລະບຽບສະບັບນີ້ແມ່ນຊົມຣົມນັກສຶກສາສົງລາວໃນປະເທດໄທຮ່ວມກັບສະຖານເອກອັກຄະລັດຖະທູດລາວປະຈຳບາງກອກ
ປະເທດໄທເປັນຜູ້ຮ່າງຂຶ້ນມາເພື່ອການຄຸ້ມຄອງການບໍລິຫານ, ການກວດກາ, ການຕິດຕາມ,
ການປະເມີນຜົນ, ສົ່ງເສີມການສຶກສາ, ການເຄື່ອນໄຫວວຽກງານ ແລະ
ອຳນາດຄວາມສະດວກໃນການຈັດການ ແລະ ແກ້ໄຂບັນຫາໃນຊົມຣົມນັກສຶກສາສົງລາວໃນປະເທດໄທ.
- ກົດລະບຽບນີ້ເປັນຂອງຊົມຣົມ ແລະ
ຊົມຣົມມີສິດໃຊ້ພຽງຜູ້ດຽວເທົ່ານັ້ນ.
4. ການຄຸ້ມຄອງ ແລະ ນະໂຍບາຍ
ໃນທາງການປົກຄອງ ແລະ ການບໍລິຫານງານແມ່ນຖືເປັນກົດລະບຽບດຽວກັນໃນການປົກຄອງຊົມຣົມ
ທົ່ວປະເທດເພື່ອຄວາມເປັນມາດຕະຖານ, ເອກະສັນ, ເອກະພາບ, ເປັນທັມ,
ແລ້ວສ້າງຄວາມສາມັກຄີພາຍໃນຊົມຣົມໃຫ້ເປັນປຶກແຜ່ນແໜ້ນໜາ,
ກຳແໜ້ນສາຍພົວພັນໄມຕຣີຈິດອັນດຽວກັນໂດຍຍຶດເອົານະໂຍບາຍຕ່າງປະເທດ ສັນຕິພາບ ເອກະລາດ
ມິດຕະພາບ ແລະ ການຮ່ວມມືຂອງພັກ-ລັດຖະບານລາວ ແລະນະໂຍບາຍຂອງ ອພສ
ກໍ່ຄືບໍ່ໃຫ້ມີການແບ່ງແຍກເປັນນິກາຍແຕ່ໃຫ້ເອີ້ນວ່າ ນິກາຍສາສະໜາພຸດລາວ ແລະ
ພຣະສົງລາວ ໂດຍຖືເອົາຫຼັກທັມວິໄນ ແລະ ທັມມະຈະລິວັດ(ພັນສາ) ເປັນທີ່ຕັ້ງໃນການປະຕິບັດ.
ນອກຈາກການຍຶດເອົາແບບແຜນນະໂຍບາຍພັກ-ລັດ ກໍ່ຄືນະໂຍບາຍການຕ່າງປະເທດ, ສູນກາງ ອພສ,
ຫຼັກທັມມະວິໄນ ແລະ ທັມມະຈະລິວັດແລ້ວຊົມຣົມຍັງຕ້ອງໄດ້ສຸມໃສ່ປະຕິບັດຕາມກົດໝາຍບ້ານເມືອງທັ້ງພາຍໃນ
ແລະ ນອກປະເທດເຊັ່ນ:
1).
ກົດລະບຽບກະຊວງສຶກສາທິການ ແລະ ກິລາກໍ່ຄືກົດລະບຽບສະຖານທູດແຫ່ງ ສປປ.ລາວ
2). ກົດລະບຽບຊົມຣົມນັກສຶກສາສົງລາວໃນປະເທດໄທ
3). ກົດລະບຽບຂອງມະຫາວິທະຍາໄລ
4). ກົດໝາຍປະເທດທີ່ອາໄສຢູ່ເປັນຕົ້ນວ່າ ກົດໝາຍປະເທດໄທ.
5. ການກໍຕັ້ງຊົມຣົມ, ຫຼືກຸ່ມນັກສຶກສາ
- ອີງຕາມກົດລະບຽບກະຊວງສຶກສາທິການ ແລະ ກິລາ,
ສະຖານເອກອັກຄະລັດຖະທູດລາວໝວດທີ່ 3, ມາດຕາ 13 ຂໍ້2/1 ການຈັດຕັ້ງນັກຮຽນ, ນັກສຶກສາ,
ນັກຄົ້ນຄວ້າດັ່ງນີ້: ຄະນະຮັບຜິດຊອບນັກຮຽນນັກສຶກສາລາວຢູ່ຕ່າງປະເທດທີ່ມີຈຳນວນ 05
ຄົນຂຶ້ນໄປ ໃຫ້ມີການແຕ່ງຕັ້ງຄະນະຮັບຜິດຊອບນັກຮຽນ, ນັກສຶກສາ,
ນັກຄົ້ນຄວ້າຕາມຄວາມຈຳເປັນ ແລະ
ເໝາະສົມຕາມສະພາບເງື່ອນໄຂຕົວຈິງໂດຍແມ່ນສະຖານເອກອັກຄະລັດຖະທູດຫຼືກຸງສູນໃຫຍ່ ແຫ່ງ
ສປປ. ລາວ ທີ່ປະຈຳຢູ່ປະເທດນັ້ນເປັນຜູ້ພິຈາລະນາແຕ່ງຕັ້ງ (ກໍລະນີມີຈຳນວນ 05
ຄົນແມ່ນໃຫ້ຢູ່ໃນຄວາມຮັບຜິດຊອບຂອງສະຖານທູດຫຼືກຸງສູນໃຫຍ່).
ໃນກໍລະນີນັ້ນຫານບໍ່ມີສະຖານທູດຫຼືກຸງສູນໃຫຍ່, ຄະນະຮັບຜິດຊອບນັກຮຽນ, ນັກສຶກສາ,
ນັກຄົ້ນຄວ້າຈະຖຶກແຕ່ງຕັ້ງໂດຍກະຊວງສຶກສາທິການ ແລະ ກິລາ.
- ອີງຕາມກົດລະບຽບຊົມຣົມນັກສຶກສາສົງລາວໃນປະເທດໄທ
ຊົມຣົມນັກສຶກສາສົງລາວສູນກາງບາງກອກມີສິດ ແລະ ອຳນາດໃນການກໍ່ຕັ້ງຈຸກຸ່ມຫຼືສະມາຊິກຊົມຣົມໄດ້ໂດຍຜ່ານການເຫັນດີ
ເຫັນຊອບຈາກສະຖານເອກອັກຄະລັດຖະທູດລາວ ແລະ ມະຫາວິທະຍາໄລທີ່ກຳລັງສຶກສາຢູ່.
6. ການສະມັກເປັນສະມາຊິກຊົມຣົມ
- ເປັນນັກສຶກສາໃນມະຫາໄລຫຼືນອກມະຫາວິທະຍາໄລ (ມີທີ່ພຳນັກຢ່າງຊັດເຈນ).
- ຂຽນໃບສະມັກຂອງຊົມຣົມກຳນົດໄວ້ເທົ່ານັ້ນ ແລະ
ຍື່ນຕໍ່ເລຂາຊົມຣົມຕາມຂັ້ນຕອນ.
- ໃນເອກະສານພາສປອສ໌ ແລະ ໃບສຸດທິທີ່ຢື່ນຈາກ ອພສ.
7. ຂັ້ນຕອນການເລືອກຕັ້ງ
- ປະຊຸມຄະນະຜູ້ບໍລິຫານໃນຊົມຣົມ
- ກຳນົດຜູ້ມີຄຸນນະສົມບັດທີ່ຈະສະມັກເລືອກຕັ້ງເປັນປະທານ
ຕາມກົດລະບຽບໝວດທີ່ 4 ມາດຕາ 16.
- ຮ່າງບົດວິພາກເລືອກຕັ້ງ (ອີງໃສ່ກົດລະບຽບທຸກຄັ້ງ).
- ກຳນົດວາລະການປະຊຸມ
- ຂຽນໃບສະເໜີຕໍ່ຊົມຣົມສູນກາງ
ແລ້ວສູນກາງຈະສະເໜີເພື່ອທີ່ຈະຂໍອະນຸຍາດຫຼືຂໍ້ຕົກລົງຈັດການເລືອກຕັ້ງຈາກສະຖານທູດໃຫ້.
8. ຂັ້ນຕອນການປະຊຸມຜັນຂະຫຍາຍຜົນສຳເລັດ
- ປະຊຸມຄະນະບໍລິຫານຊົມຣົມ
- ຮ່າງບົດວິພາກໃນການປະຊຸມ (ອີງໃສ່ກົດລະບຽບທຸກຄັ້ງ)
- ກຳນົດການວາລະການປະຊຸມ
- ຂຽນໃບສະເໜີຕໍ່ຊົມຣົມສູນກາງ ແລ້ວສູນກາງຈະສະເໜີເພື່ອທີ່ຈະຂໍອະນຸຍາດຫຼືຂໍ້ຕົກລົງຈັດການເລືອກຕັ້ງຈາກສະຖານທູດໃຫ້.
9. ຂັ້ນຕອນການຈັດກິດຈະກຳ
- ປະຊຸມຄະນະບໍລິຫານຊົມຣົມ
- ຮ່າງບົດວິພາກໃນການປະຊຸມ (ອີງໃສ່ກົດລະບຽບທຸກຄັ້ງ)
- ກຳນົດການວາລະການປະຊຸມ
- ຂຽນໃບສະເໜີຕໍ່ຊົມຣົມສູນກາງ ແລ້ວສູນກາງຈະສະເໜີເພື່ອທີ່ຈະຂໍອະນຸຍາດຫຼືຂໍ້ຕົກລົງຈັດການເລືອກຕັ້ງຈາກສະຖານທູດໃຫ້.
- ເອົາໃບອະນຸມັດການກໍ່ຕັ້ງເປັນຊົມຣົມແນບໃສ່ (ກໍລະນີໄປຈັດກິດຈະກຳຢູ່ລາວ).
- ຂຽນໃບລາຍການເຄື່ອງທຸກໆຊະນິດຖ້າກໍລະນີໄປຈັດກິດຈະກຳຢູ່ລາວເຮົາເຊັ່ນ:
ກິດຈະກຳປະຊາສົງເຄາະ, ແຈກເຄື່ອງຂອງ ແລະ ຊ່ວຍເຫຼືອດ້ານອື່ນໆ.
10. ຂັ້ນຕອນການອອກໃບນຳສົ່ງກັບຄືນສູ່ປະເທດ
- ໃບຄຳຮ້ອງຈາກຊົມຣົມສູນກາງຫຼືແຕ່ລະວິທະຍາເຂດ ພ້ອມລາຍເຊັນ ແລະ
ກາປະທັບ.
- ໃບສຳຫຼວດຕົວເອງຈາກຊົມຣົມສູນກາງຫຼືແຕ່ລະວິທະຍາເຂດ
ພ້ອມລາຍເຊັນ ແລະ ກາປະທັບ.
- ໃບຮັບຮອງການຮຽນຈົບຈາກມະຫາວິທະຍາໄລ.
- ໃບຄະແນນການຮຽນ.
- ສະເພາະປະລິນຍາໂທ ໃຫ້ສົ່ງວິທະຍານິພົນ 1 ຫົວໃຫ້ສະຖານທູດ.
- ແລ້ວໄປຍື່ນຕໍ່ຫ້ອງການສຶກສາ ແລະ ວັດທະນະທຳ
ສະຖານທູດລາວບາງກອກ.
- ສະຖານທູດອອກເອກະສານໃຫ້ສາມໃບ, ໃຫ້ເຮົາໄປຍື່ນຕໍ່ກະຊວງສຶກສາທິການແລະກິລາ
1 ໃບ ເພື່ອຂໍໃບຮັບຮອງການຈົບ ແລະ ສ່ວນ 2 ໃບນັ້ນແມ່ນເກັບຮັກສາໄວ້.
